बारामा प्रहरीको गोलीलागि एक जनाको मृत्यु

काठमाडौं । सिम्रौनगढ नगरपालिकामा गोली चल्दा एक जनाको मृत्यु भएको छ । नगरपालिकाका कर्मचारीहरुले गरेको आन्दोलन उग्ररुप लिएपछि बारा प्रहरीले चलाएको गोलीबाट एक जनाको मृत्यु भएको प्रत्यक्षदर्शीले बताएका छन् ।

बारा प्रहरीले चलाएको गोलीबाट सिम्रौनगढ नगरपालिका वडा नं १ ननसगराघाट निवासी लक्ष्मी मुखिया बिनको घटनास्थलमै  मृत्यु भएको बताइएको छ ।

सिम्रौनगढ नगरपालिकाका नगर प्रमुख किशोरी साह कलवारले प्रमुख प्रशासकीय अधिकृतलाई हाजिर गराउन लिएर जाने क्रममा विपक्षीले हाजिर गर्न नदिएपछि विवाद भएको हो ।

नगरपालिकामा भएको विवाद नियन्त्रण गर्न प्रहरीले एक दर्जन भन्दा हवाइफायर तथा अश्रुग्यास प्रहार गरेको स्थानीयबासीले जनाएका छन् ।

बाराको सिम्रौनगढ नगरपालिकामा अहिले पनि अवस्था तनाव ग्रस्त रहेको प्रहरीले जनाएको छ । घटनाको थप विवरण आउन बाँकी छ ।

सिम्रौनगढ़ नगरपालिकाको नगरप्रमुख चढ़ने गाड़ी माथी तोड़फोड़, नया प्रशासकीय अधिकृत चढ़ेर हाजिर हुन जाँदा तोड़फोड़ भएको हो ।