विराटनगरको आगलागीमा थप एक जनाको मृत्यु, घाइतेलाई काठमाडौं लगियो

काठमाडौं। विराटनगरको सात घुम्तीमा रहेको कवाडीको गोदाममा आगोलागी हुँदा थप एक जनाको मृत्यु भएको छ। गोदाममा डढेको अवस्थामा शब फेला परेको हो ।

यसअघि आगोलागिमा परि दीपक मण्डल मृत्यु भएको प्रहरीले जनाएको छ। आगलागीमा परी रीता सरदार, सुशीला पासवान, पिंकी कामत र किशोर कामत घाइते भएका छन् ।

उनीहरूलाई थप उपचाकालागि काठमाडौं लगिएको छ । नेपाली सेनाको स्काई ट्रकबाट उनीहरूलाई जलन अस्पताल पठाइएको प्रहरीले जनाएको छ ।

सात घुम्तीमा रहेको कवाडी गोदाममा दिउँसो २ः१५ बजेतिर एक्कासि आगलागी भएको थियो । आगलागी प्रहरी, वारुणयन्त्र र स्थानीयको सहयोगमा दुई घण्टापछि नियन्त्रणमा आएको थियो । आगलागीको कारण र क्षतिको विवरण आई नसकेको प्रहरी जनाएको छ ।