मकवानपुर। मकवानपुरमा एकै दिन १ सय २५ जनामा कोरोना भाइरस संक्रमण पुष्टि भएको छ । हेटौंडा–१० स्थित किटजन्य रोग अनुसन्धान तथा तालिम केन्द्रको प्रादेशिक प्रयोगशालामा गरिएको परीक्षणमा उनीहरुमा कोरोना संक्रमण पुष्टि भएको हो ।
संक्रमित १ सय २५ जनामध्ये १ सय १७ जना हेटौंडा उपमहानगपालिका भित्रका रहेका छन् । बागमती गाउँपालिकाका १४ जना, मकवानपुरगढी गाउँपालिकाका १ जना र हेटौंडा बसोबास गर्ने अन्य जिल्लाका ३ जनामा कोरोना संक्रमणको पुष्टि भएको हेटौंडा आइसोलेसन वार्डका इञ्चार्ज भोला चौलागाईंले जानकारी दिए ।
चौलागाईंका अनुसार असोज २५ गते संकलन गरिएको २ सय ६ जनाको स्वाब परीक्षण गर्दा १ सय २५ जनामा कोरोना देखा परेको हो । कोरोना पुष्टि भएकामध्ये ४८ महिला र ७७ पुरुष छन् ।
हेटौंडा उपमहानगरका विभिन्न वडाका ५१ जना महिला र ६६ जना पुरुषमा कोरोना पुष्टि भएको हो । बागमती गाउँपालिकाका ६ महिला र ८ पुरुष रहेका छन् । मकवानपुरगढी गाउँपालिकाका १ जना महिला र जिल्ला बाहिर ठेगाना भएका ३ जना पुरुषमा पनि कोरोना पुष्टि भएको छ ।
