टिकटक बन्द गर्नु प्रचण्ड सरकारको तानाशाही मनोवृत्ति : सांसद शर्मा

काठमाडौं । नेपाली कांग्रेसका नेता एवम् प्रतिनिधिसभाका सांसद डा. सुनिलकुमार शर्माले नेपालमा टिकटक बन्द गरेर सरकारले नागरिकको वाक स्वतन्त्रतामाथि अंकुश लगाएको बताएका छन् ।

आज मन्त्रिपरिषद् बैठकले टिकटकमाथि प्रतिबन्ध लगाउने निर्णय गरेसँगै उनले सरकारको निर्णयको विरोध गरेका हुन् ।

उनले सामाजिक सञ्जालको प्रयोगमा नियमन गर्नुको साटो सरकारले प्रतिबन्ध लगाउनु लोकतन्त्रमा नागरिकको ‘अभिव्यक्ति तथा वैयक्तिक स्वतन्त्रता’ माथि अंकुश लगाएको प्रतिक्रिया दिएका छन् ।

सांसद शर्माले भने, ‘प्रचण्ड सरकारको यो चरम तानाशाही र अधिनायकवादीशैली हो, नेपाललाई उत्तर कोरिया सम्झने सरकारको गलत मनोवृत्ति हो । यसको म घोर आतत्ति र भर्त्सना गर्दछु ।’

उनले सूचना तथा सञ्चारको प्रयोग र मिडियामाथि अंकुश लगाउने कार्यमा सरकार उद्दत भएको बताए ।