देशभर १५ सय ५१ संक्रमित भेटिँदा उपत्यकामा मात्रै १ हजार १७ जनामा कोरोना पुष्टि

काठमाडौं । काठमाडौं उपत्यकामा कोरोना संक्रमण भयावह रुपमा बढेको छ । मंगलबार देशभर १ हजार ५ सय ५१ जनामा संक्रमण पुष्टि भएकोमा उपत्यकामा मात्रै थप १ हजार १७ जनामा कोरोना भाइरसको संक्रमण पुष्टि भएको छ।

स्वास्थ्य मन्त्रालयका अनुसार काठमाडौँका ७ सय ८३, ललितपुरका १ सय १८, तथा भक्तपुरका १ सय १६ जनामा संक्रमण पुष्टि भएको हो।

पछिल्लो २४ घण्टामा देशभर १ हजार ५ सय ५१ जना कोरोना संक्रमित थपिएका छन्। यससँगै नेपालमा कोरोना संक्रमितको कुल संख्या ९० हजार नाघेको छ।

स्वास्थ्य मन्त्रालयका अनुसार हाल देशभर कोरोना संक्रमितको संख्या ९० हजार ८ सय १४ पुगेको छ। कोरोनाबाट हालसम्म ५ सय ६३ जनाले ज्यान गुमाएका छन्।