यौन दुर्व्यवहारको आरोप लागेका एसएसपी पालले राजीनामा दिए

काठमाडौँ । सहकर्मी महिलामाथि यौन दुर्व्यवहार गरेको आरोप लागेका नेपाल प्रहरीका एक प्रहरी वरिष्ठ उपरीक्षक (एसएसपी)ले पदबाट राजीनामा दिएका छन् । उक्त प्रकरणपछि एसएसपी योगबहादुर पालले राजीनामा पेश गरेको प्रहरी प्रवक्ता (डीआईजी) कुवेर कडायतले बताए ।

डीआईजी कडायतले भने– ‘राजीनामा स्वीकृतिका लागि गृह मन्त्रालयमा पठाइएको छ ।’

सुदूरपश्चिम प्र्देश कार्यालयमा रहँदा एसएसपी पालले दुर्व्यवहार गरेको भन्दै एकजना महिला सहायक हवलदारले १९ जेठमा उजुरी गरेकी थिइन् ।

त्यसबारे डीआईजी सुरेन्द्र मैनाली नेतृत्वको छानबिन समितिले पाललाई बर्खास्त गर्न सिफारिस गरेको छ । त्यसपछि छानबिनका लागी गृह मन्त्रालयले पाललाई निलम्बन गर्ने निर्णय गरेको थियो ।