काठमाडाैँ । प्रधानमन्त्री केपी शर्मा ओलीका मुख्य सल्लाहकारदेखि परराष्ट्र मामिला सल्लाहकारसम्मलाई कोरोना संक्रमण पुष्टि भएपछि प्रधानमन्त्री र मुख्य सचिबको कोरोना रिपोर्ट कस्तो आउला भन्ने अाकलन गर्न थालिएकाे छ।
स्रोतका अनुसार प्रधानमन्त्रीका मूख्य सल्लाहकार बिष्णु रिमाल, प्रेस सल्लाहकार सुर्य थापा, प्रमुख स्वकिय सचिव इन्द्र भण्डरी र परराष्ट्र मामिला सल्लाहकार राजन भट्टराइलाई कोरोना संक्रमण पुष्टि भएको हो। त्यसैगरी प्रधानमन्त्रीका फोटो पत्रकार राजन काफ्लेलाई पनि कोरोना संक्रमण पुष्टी भएको छ। यी सबै जनालाई सुरक्षाकर्मीबाट संक्रमण फैलिएको अनुमान गरिएको छ।
त्यसैकारण प्रधानमन्त्री र बिहीबार बिहानसम्म पदमा कायम रहेकाे मुख्य सचिव लाेक दर्शन रेग्मी र साेही दिन मुख्यसचिवमा नियुक्त भएका शंकर दास बैरागीकाे कोरोना रिपोर्ट कस्तो आउला भन्ने कुरा सबैकाे लागि चासाेकाे विषय बनेकाे छ।
यसअघि प्रधानमन्त्री केपी शर्मा ओलीकी निजी चिकित्सक दिव्या सिंह साहमा पनि संक्रमण देखिएको थियो। त्यस्तै नेकपा नेता सुवास नेवाङको रिपोर्ट भने आउँन बाँकी रहेको छ।
