भारतविरुद्ध नेपालले दोस्रो विकेट पनि गुमायो

काठमाडौं। एसिया कप २०२३ अन्तर्गत भारतविरूद्धको खेलमा नेपालले दोस्रो विकेट पनि हातबाट गुमाएको छ।

भीम सार्की ७ रनमा भारतका रविन्द्र जडेजाको बलमा १६ ओ‌भरमा बोल्ड भएका छन्।

यसअघि नेपालका ओनपर कुशल भुर्तेल ३८ रन बनाएर आउट भएका छन्। शार्दूल ठाकुरको बलमा दशौं ओभरको पाँचौ बलमा आउट हुनुअघि उनले २५ बलमा ३ चौका र २ छक्का हिर्काए। उनले आसिफ शेखसँग पहिलो विकेटका लागि ९.५ ओभरमा ६५ रनको साझेादरी गरेका थिए।

भुर्तेलले छैटौं ओभरमा भारतका मोहमद सिरिजलाई लगातार चौका र छक्का हिर्काएका थिए।

यद्यपी भुर्तेलको पहिलो ओ‌भरमा श्रेयस अय्यरले र चौथो ओभरमा इशान किसनले क्याच छाडेका थिए। यस्तै आसिफको क्याच दोस्रो ओभरमा विराट कोहलीले छाडेका थिए।

नेपालका लागि आसिफ शेख २८ रन बनाएर खेलिरहेका छन्। कप्तान रोहित पौडेल १७ ‌ओभरमा मैदान छिरेका छन्। नेपालले १७ ‌‌‌ओभरमा २ विकेट गुमाएर ८५ रन जोडेको छ।