सांघाई । चीनक दक्षिण पश्चिममा पर्ने चोङचिङ नगरपालिकाको कोइला खानीमा आइतबार बिहान भएको दुर्घटनामा १६ जनाको मृत्यु भएको छ ।
चिनियाँ समाचार एजेन्सी सिन्हजारका अनुसार कमजोर औद्योगिक सुरक्षामा कारण उक्त दुर्घटना भएको हो । चीनका कोइला खानीहरु विश्वकै सबभन्दा जोखिमपूर्ण भएको रोयटर्सले जनाएको छ ।
स्थानीय अधिकारीहरुले सिन्ह्वालाई दिएको जानकारी अनुसार खानीभित्रै अत्यधिक मात्रामा कार्बन मोनोक्साइड जम्मा भएको थियो । त्यहाँ १७ कामदारहरु थुनिएका थिए । जसमध्ये एकजनालाई उपचारका लागि अस्पताल लगिएको छ ।
उक्त दुर्घटना चोङचिङको साङजाओ कोइला खानीमा भएको र जुन स्थानीय ऊर्जा कम्पनीसँग सम्बन्धित भएको स्थानीय अधिकारीले बताएका छन् । उक्त दुर्घटना हुने बित्तिकै ७५ जनाको उद्धार टोली र ३० जनाको मेडिकल टिम घटनास्थल पुगेको थियो । तर पनि खानीभित्र फसेकाहरुको ज्यान बचाउन भने सकेन ।
दुर्घटनाको कारणबारे अनुसन्धान भइरहेको जनाइएको छ । रोयटर्स
