माछा मार्दा शनिबारदेखि बेपत्ता भएका युवकको शव भेटियो

पूर्वी नवलपरासी। नारायणी नदीमा माछा मार्ने क्रममा हिजो शनिबारदेखि बेपत्ता भएका युवकको शव आज भेटिएको छ । देवचुलीका मंगलसिंह पुलामी बेपत्ता भएको २४ घण्टापछि आइतबार दिउँसो लोकाहा खोलाको दोभानमा उनको शव भेटिएको हो ।

देवचुलीका मंगलसिंह पुलामी शनिबार दिउँसो नारायणी र लोकाहा खोलाको दोभानमा डुबेर बेपत्ता भएका थिए ।

जिल्ला प्रहरीका अनुसार खोजीको क्रममा जाल हान्दा आइतबार दिउँसो उनको शव फेला परेको हो । उनको खोजीका लागि ठूलो संख्यामा स्थानीयहरू समेत जुटेका थिए ।

देवचुली नगरपालिका वडा नम्बर ११ निवासी पुलामी साथीहरूसँगै माछा मार्न जाल हानिरहेको अवस्थामा नदीमा खसेर बेपत्ता भएका थिए ।

पुलामीको शव पोष्टमार्टमका लागि जिल्ला अस्पताल लैजाने भयारी भएको प्रहरीले जनाएको छ ।