काठमाडौं । काठमाडौं उपत्यकामा पछिल्लो २४ घण्टायता ६ सय ४५ जना संक्रमित थपिएका छन्। थपिएकामध्ये काठमाडौंका मात्र ५ सय ३ जना रहेका छन्।
स्वास्थ्य तथा जनसंख्या मन्त्रालयका अनुसार काठमाडौंमा १ सय ८९ महिला र ३ सय १४ पुरुष, भक्तपुरमा २० महिला र ३१ पुरुष तथा ललितपुरमा ४५ महिला र ४६ पुरुषमा संक्रमण पुष्टि भएको छ।
पछिल्लो २४ घण्टायता देशभर भने १ हजार ३ सय १३ जना कोरोना संक्रमित थपिएका छन्। यससँगै कोरोना संक्रमितको संख्या ७० हजार ६ सय १४ पुगेको मन्त्रालयले जनाएको छ।
स्वास्थ्य मन्त्रालयका अनुसार मुलुकमा कोरोनाका सक्रिय संक्रमितको संख्या १८ हजार २ सय ७९ जना छ। त्यसमध्ये ८ हजार २ सय ३६ जना संस्थागत आइसोलेशनमा र १ हजार ५२ जना होम आइसोलेशनमा रहेका छन्।
त्यस्तै पछिल्लो २४ घण्टामा १ हजार ४ सय ५५ जना निको भएका छन्। निको हुनेको संख्या ५१ हजार ८ सय ६६ पुगेको छ। हाल क्वारेन्टिनमा ६ हजार ४ सय ६४ जना रहेका छन् भने पछिल्लो २४ घण्टामा १२ हजार २ सय ६२ जनाको नमूना पीसीआर परीक्षण गरिएको छ।
