चितवन । चितवनमा होम आइसोलेशनमा बस्नेको संख्यामा वृद्धि भएको छ। जिल्ला स्वास्थ्य कार्यालय चितवनको तथ्याङ्कअनुसार यहाँ सक्रिय संक्रमित ९४३ छन् । त्यसमध्ये ६२६ जना होम आइसोलेशनमा रहेका छन् भने ३१७ जना संस्थागत आइसोलेशनमा बसेका छन्।
कार्यालयमा प्रमुख दीपक तिवारीका अनुसार होम आइसोलेशनमा बस्ने मानिस इमान्दार भए अस्पतालमा जस्तै घरमा पनि सुरक्षित हुने भएकाले होम क्वारेन्टाइन प्रभावकारी देखिएको हो। ‘लक्षण नभएकाहरु अस्पतालको आइसोलेशनमा बस्न उपयुक्त ठान्न छाडे’, उनले भने, ‘घरमा बसेपछि खानपिन पनि राम्रो हुने र छिटो निको हुने भएकाले पनि सङ्ख्यामा वृद्धि भएको हो । छुटै बस्न भौतिक संरचना नभएकाहरु संस्थागत आइसोलेशनमा बस्नुभएको छ।’ यससँगै जिल्लामा सञ्चालनमा रहेका क्वारेन्टिन पनि बिस्तारै खाली हुँदै गएको छ ।
