उपत्यकामा बढ्यो आवतजावत: २२ हजार भित्रिए, २५ हजार बाहिरिए

काठमाडौं । कोरोनाका कारण जारी भएका लकडाउन तथा निषेधाज्ञाका कारण उपत्यकामा आवतजावत गर्न नपाएकाहरुको अहिले धमाधम यात्रा गरिरहेका छन् । पछिल्ला दिनमा यात्रा गर्नेको चाप बढेको छ । 

विशेषगरी सार्वजनिक यातायात चलेकाले पनि यात्रा गर्नेको संख्या बढेको हो । गत २४ घण्टामा मात्र उपत्यकाका विभिन्‍न नाकाबाट २२ हजार ८ सय ४६ यात्रु भित्रिएका छन् भने २५ हजार २ सय ६४ जना यात्रु बाहिरिएका छन् । 

काठमाडौं उपत्यकाको सवारी आवागमन यतिबेला सामान्य रहेको छ । विभिन्‍न नाका हुँदै उपत्यका भित्रिने र बाहिरिने लामो दूरीका सवारीसाधन पनि सामान्य रुपमै सञ्‍चालन भैरहेको छ ।

आगामी दिनमा यो चाप अझै बढ्ने आँकलन गरिएको छ ।