नेकपाले केन्द्रीय सदस्यलाई मासिक तलब दिने

काठमाडौं । नेपाल कम्युनिष्ट पार्टी (नेकपा) ले केन्द्रीय सदस्यहरुलाई मासिक रुपमा पारिश्रमिक दिने भएको छ ।

पार्टी मुख्यालय पेरिसडाँडामा आइतबारबाट बसेको सचिवालय बैठकमा यो प्रस्तावउपर छलफल भएको हो । 

साविक नेकपा (एमाले)ले राजकीय जिम्मेवारीमा नरहेकाहरूलाई निर्वाह खर्च भनेर मासिक १० हजार रुपैयाँ दिने गरेको थियो । नवौं महाधिवेशनपछि पनि एमालेले यसलाई निरन्तरता दिएको थियो । एकीकरणपछि यो क्रम टुटेको थियो ।

यस्तो पारिश्रमिक भने राजकीय, संवैधानिक पदमा नरहेका, व्यापार व्यवसायमा आवद्ध नभएका र विशुद्ध पार्टीका होलटाइमरलाई दिइने बुझिएको छ ।

नेकपा सचिवालयको बैठक भोलि दिउँसो १ बजे पुनः बस्नेछ ।