काठमाडौं । नेपालका ६ हजार ७ सय सुरक्षाकर्मीमा कोरोना संक्रमण पुष्टि भएको छ । देशभर फैलिएको यो कोरोना संक्रमणबाट सुरक्षाकर्मी समेत अछुतो रहन सकेनन् ।
हालसम्म नेपाली सेना, प्रहरी र सशस्त्र प्रहरी बल गरेर ६ हजार ७ सय ५ जनामा कोरोना संक्रमण देखिएको हो ।
हालसम्म सबैभन्दा बढी नेपाल प्रहरीमा ३ हजार ६ सय २६ जनामा कोरोना देखिएको छ । जसमध्ये १ हजार ८ सय ९ जना डिस्चार्ज भएका छन् । प्रहरी प्रधान कार्यालयमा २ सय ६३, उपत्यकामा ६ सय ८१, प्रदेश १ मा १ सय ६८, प्रदेश २ मा १ सय ६९, बागमती प्रदेशमा १ सय ३७, गण्डकी प्रदेशमा १ सय ५३, प्रदेश ५ मा १ सय १०, कर्णाली प्रदेशमा ४८ र सुदूरपश्चिम प्रदेशमा ८८ जना प्रहरी सक्रिय संक्रमित छन् ।
हालसम्म नेपाली सेनाका २ हजार ५६ जनामा कोरोना संक्रमण देखिएको छ । जसमध्ये ४ सय १ जना डिस्चार्ज भएका छन् भने १६ सय ५४ जना सक्रिय संक्रमित छन् ।
यस्तै सशस्त्र प्रहरी बलका १ हजार २३ जनामा कोरोना संक्रमण देखिएको छ । संक्रमितमध्ये ६ सय ७० जना डिस्चार्ज भएका छन्
