कलाकार दीपकराज गिरीले भने- बालेन र हर्कसँग रविलाई तुलना गर्न मिल्दैन

काठमाडौँ। नेपाली चलचित्र निर्देशक एवं कलाकार दीपकराज गिरीले नयाँ पुस्ताका नेताहरूलाई एकै हिसाबले तुलना गर्न नमिल्ने बताएका छन्।

रास्वपाका सभापति रवि लामिछाने, काठमाडौंका मेयर बालेन शाह र धरान उपमहानगरपालिकाका मेयर हर्क साम्पाङबारे विभिन्न काममा तुलनाका साथ टिकाटिप्पणी भइरहँदा कलाकार गिरीकाे यस्तो भनाइ आएको हो ।

बालेन र हर्कको कार्यकारी पद भएको तर, रवि हाल पदमा नरहेको बताएका उनले एकअर्कामा तुलना गर्नुभन्दा उनीहरूले गरेको काम अनुसार समर्थन र सचेत गराउनु राम्रो हुने टिप्पणी गरे ।

उनले लेखेका छन्-

नयॉ पुस्ताका यी नेताहरू प्रति जनताको बिश्वास चुलिँदो छ ! त्यो राम्रो हो ! तर केही तत्वहरू यिनिहरूलाइ नै तुलना गरेर, ट्रोल बनाएर यिनिहरू बिच नै प्रतिष्पर्धा होस भन्ने चाहेको महसूस हुन्छ !

बालेन र हर्कको कार्यकारी पद हो ! जबकी रबिको होइन, उनि अहिले काम गर्ने पदमा नै छैनन् ! त्यसैले यिनिहरू बिच तुलना गर्नु भन्दा उनीहरूले गरेको काम अनुसार ,समर्थन र सचेत गराउनु राम्रो होला … उनिहरू बिच नै प्रतिष्पर्धी भावना उत्पन्न गराउनु भनेको पूरानै प्रबृती लाइ जिताउनु हो
शुभदिन !!!