प्रधानमन्त्रीका पीए ढुंगाना बने राजस्व अनुसन्धानको महानिर्देशक, सापकोटाको साढे ४ महिनामै सरुवा

काठमाडौं । राजस्व अनुसन्धान विभागका महानिर्देशक नारायण सापकोटाको सरुवा भएको छ । प्रधानमन्त्री तथा मन्त्रिपरिषद कार्यालयले सापकोटाको सरुवा गरेको हो ।

सापकोटालाई अर्को निकाय सम्पत्ति शुद्धिकरण अनुसन्धान विभागको महानिर्देशकको जिम्मेवारी दिनेगरी फकाएर प्रधानमन्त्री तथा मन्त्रिपरिषदको कार्यालयमा सरुवा गरिएको छ । तर उनलाई सम्पत्ति शुद्धिकरणमा समेत लाने पक्षमा प्रधानमन्त्री पुष्पकमल दाहाल ‘प्रचण्ड’ नरहेको बताइन्छ ।

राजस्व अनुसन्धान विभागको महानिर्देशकमा प्रधानमन्त्री प्रचण्डका निजी सचिव नवराज ढुंगानालाई सरुवा गरिएको छ ।

सापकोटालाई साढे ४ महिनाअघि राजस्व अनुसन्धान विभागमा सरुवा गरिएको थियो । सापकोटा भन्दा अघिका महानिर्देशक मदन दाहाललाई ३ महिनामै तानिएको थियो । दाहालले नेपाल इन्भेष्टमेन्ट बैंकको राजस्व छलीको छानबिन गर्न थालेपछि ज्योति पाण्डेसहितका केही ब्यापारीले ३ महिनामै सरुवा गरेको चर्चा भएको थियो ।