शरणार्थी प्रकरणमा सांसद ज्ञानेन्द्र शाहीको माग: आईजीपी कुँवरलाई निलम्बन गरेर छानबिन गर्नुपर्छ

काठमाडौँ। राष्ट्रिय प्रजातन्त्र पार्टी (राप्रपा)का प्रमुख सचेतक ज्ञानबहादुर शाहीले नक्कली भुटानी शरणार्थी प्रकरणमा नेपाल प्रहरीका महानिरीक्षक (आईजीपी) बसन्त कुँवरलाई निलम्बन गरेर छानबिन गर्न माग गरेका छन्।

यस प्रकरणमा आईजीपी कुँवर पनि संलग्न भएको सञ्चारमाध्यममा समाचार आएपछि सांसद शाहीले यस्तो माग गरेका हुन्।

बुधबार प्रतिनिधिसभाको बैठकमा शाहीले भने, ‘नेपाल प्रहरीका आईजीपीविरुद्ध पनि पत्रपत्रिकामा आएको छ। एउटा कर्मचारीलाई निलम्बन गरेर छानबिन गर्न कि नगर्ने ?’

तीन ठूला दलका शीर्ष नेताहरू छलफलमा जुटिरहनुले पनि यो प्रकरणको मुद्दा कमजोर हुन सक्ने उनको भनाइ थियो।

उनले भने, ‘नाम पत्रिकामा भकाभक आइराखेको छ। तीन दल बसेर खुसुखुसु गर्नुहुन्छ । यसो बालुवाटारतिर लुकी लुकी त्यो गरेपछिमुद्दा कमजार हुँदै जान्छ,नेताहरूका नाम पनि आइराखया छ। तिनीहरूको के गर्ने ? उम्काइदिने ?’ यस्तो तरिकाले मुलुक अगाडि बढ्न सक्दैन ।’