नेपाल प्रहरीका २२ डीएसपी एसपीमा बढुवा सिफारिस, पहिलो वरियतामा केसी (सूचीसहित)

काठमाडौं । नेपाल प्रहरीका २२ जना प्रहरी नायब उपरीक्षक (डीएसपी) प्रहरी उपरीक्षक (एसपी) मा बढुवा सिफारिस भएका छन् ।

शुक्रबार बसेको बढुवा सिफारिस समितिको बैठकले २२ डीएसपीलाई एसपीमा बढुवा गर्न सिफारिस गरेको हो । एसपी बढुवा सिफारिस हुने डीएसपीमा पहिलो वरियतामा गौतमकुमार केसी छन् ।

दिनेश अधिकारी ‘चरी’, मनोज पुन इन्काउन्टरदेखि रामेछापको सुन्तली तामाङको बलात्कारपछि हत्या गर्ने श्याम राउतलाई भारतको अन्डमान निकोवारबाट पक्राउ गरी ल्याउने डीएसपी कुमोध ढुंगेल पनि एसपी बढुवा सिफारिसमा परेका छन् । पुरस्कृत गर्नुपर्ने उनलाई सर्वेन्द्र खनाल आइजीपी हुँदा दण्डित गरी हतोत्साही बनाइएको थियो ।

डीएसपी अंगुर जीसी र सन्तोष तामाङ बढुवामा पर्न सकेनन् । अंगुर जीसी अर्थमन्त्री डा. प्रकाशशरण महतकै जिल्ला नुवाकोटकै भए पनि बढुवामा पर्न सकेनन् । जीसीले सांकेतिक रुपमा सामाजिक संजालमा फेसबुकमा असन्तुष्टि पोख्दै बढुवामा पर्नेलाई बधाइ दिएका छन् ।

एसपी बढुवा सिफारिस हुने डीएसपीको सूची