प्रधानमन्त्री कार्यालय र गृह मन्त्रालयका सचिव फेरिए

काठमाडौं । गृह मन्त्रालयका सचिव फेरिएको छ ।

प्रधानमन्त्री तथा मन्त्रिपरिषद् कार्यालयमा रहेका सचिव दिनेश भट्टराईलाई गृह सचिवको जिम्मेवारी दिने निर्णय मंगलबारकाे बैठकले गरेकाे हाे ।

भट्टराई प्रधानमन्त्री तथा मन्त्रिपरिषद्को कार्यालयमा आर्थिक तथा पूर्वाधार विकास हेर्दै आएका थिए ।

गृहसचिव विनोदप्रकाश सिंहलाई प्रधानमन्त्री कार्यालयमा पठाइएको छ । भट्टराई भोलिबाट गृहमा हाजिर हुनेछन् ।

नक्कली भुटानी शरणार्थी प्रकरणमा प्रहरीले अनुसन्धान तीव्रबनाएका बेला सचिव फेरिका हुन् । उक्त ठगी प्रकरणमा गृह मन्त्रालयका तत्कालीन सचिव, हाल उपराष्ट्रपति कार्यालयका सचिव टेकनारायण पाण्डे पक्राउ परेका छन्। यस्तै, पूर्वगृहमन्त्री तथा नेपाली कांग्रेसका नेता बालकृष्ण खाणलाई समेत प्रहरीले बुधबार पक्राउ गरेको छ।