प्रधानमन्त्री कृषि आधुनिकीकरण परियोजनाको हालसम्मको समीक्षा जरुरीः कृषि मन्त्री भूसाल

काठमाडौं । कृषि तथा पशुपन्छी विकास मन्त्री डा. बेदुराम भुसालले प्रधानमन्त्री कृषि आधुनिकीरण परियोजना लागू भएदेखि हालसम्मको समीक्षा जरुरी रहेको औंल्याउनुभएको छ ।
विहीबार परियोजनाले राखेको चालु आवको ९ महिनाको बार्षिक समीक्षा गोष्ठीमा बोल्दै कृषि मन्त्री भुसालले परियोजना लागू भएको सातौं  बर्षको समीक्षा जरुरी रहेको औंल्याउनुभएको हो ।

कृषिको आधुनिकीकरणका लागि यो परियोजना लागू गरिएको भन्दै अहिलेसम्म परियोजनाबाट कृषि क्षेत्रको आयात प्रतिस्र्थापन र निर्यात प्रवर्धनमा के कति प्रगति भयो, यसको समीक्षा जरुरी रहेको उहाँले बताउनुभयो ।

‘कृषिको आधुनिकरणका लागि यो परियोजना लागू भएको हो । सात बर्षसम्म परियोजना लागू हुँदा हामीले आफ्नो लक्ष्य पूरा गर्न सक्यौं कि सकिनौंं ? यसको गम्भीर समिक्षा जरुरी छ’, मन्त्री भुसालले भन्नुभयो ।

प्रधानमन्त्री कृषि आधुनिकीकरण परियोजना लागू गर्दा चक्लाबन्दीमा जोड दिदैं ठूलो लक्ष्यमा उत्पादन बढाउने रहेको उहाँले बताउनुभयो ।

‘प्रधानमन्त्री कृषि आधुनिकीकरण परियोजना केवल कार्यालय सन्चालनका लागिमात्र लागू गरिएको थिएन । यो परियोजनाको परिकल्पना गर्नेहरुसँग मैले पटक पटक छलफल गरेको छु । ठूलो लक्ष्यका साथ उत्पादनमा जोेड दिन परियोजना लागू गरिएको थियो । मन्त्री भुसालले भन्नुभयो–’आजसम्म हामीले काम त गरिरहेका छौं, तर सोचेजस्तो सफलता मिल्नसकेको छैन ।’  देशको राष्ट्रिय अर्थतन्त्रलाई सबल बनाउनका लागि कृषि क्षेत्रमा लगानी आवश्यक हुनेमा उहाँको जोड छ ।

‘कृषि क्षेत्र फष्टायो भने कृषिका उद्योग बढ्ने र यसबाट रोजगारीका अवसर हुन्छ । हामी अरु क्षेत्रबाट समृद्धिको यात्रामापुग्न सक्दैनौं, मन्त्री भुसालले भन्नुभयो’, त्यसका लागि यो परियोजनाको महत्व बढी छ ।’

फरक प्रसंगमा मन्त्री भुसालले किसानलाई दिइँदै आइएको अनुदान रकम र सहुलियतपूर्ण ऋणको रुप बदल्नुपर्नेमा जोड दिनुभएको छ । कतिपय ठाउँमा अनुदानको रकम दुरुपयोग भएको सुन्ने गरिएको र वास्तविककिसानले अनुदाननपाउने गरेको भन्दै अबयसको रुप बदल्नुपर्नेमा मन्त्री भुसालको जोड छ । उहाँले किसानलाई विद्युत महसुलमा छुट दिनेदेखि यान्त्रिकीकरण विस्तारमा जोड दिनुभएको छ ।

लम्फी स्कीन रोग नियन्त्रणमा कुनै कसर बाँकी नराख्न मन्त्री भूसालको निर्देशन

काठमाडौं । कृषि तथा पशुपन्छी विकास मन्त्री डा .बेदुराम भुसालले गाईभैसीमा लाग्ने लम्फी स्कीन रोग नियन्त्रणको प्रयास थाल्नुभएको छ ।

देशका विभिन्न जिल्लाका गाईभैसीमा यो रोगको संक्रमण देखिएको छ । रोगको संक्रमणले गाईभैसीलाई प्रभावित पारिरहेका बेलामन्त्री भुसालले विहीबार पशु सेवा विभागमा पुगेर रोग नियन्त्रणको प्रगतिबारे जानकारी लिनुभएको छ ।

रोग नियन्त्रणका लागि चाहिने आवश्यक औषधि उपचार र भ्याक्सिनको उपलब्धताबारे मन्त्री भुसालले विभागका महानिर्देशक डा. सम्झनाकुमारी काफ्लेसँग जानकारी लिनुभएको हो ।

उक्त छलफलमा मन्त्री भुसालले रोग नियन्त्रणका लागि कुनै कसर बाँकी नराख्न निर्देशन दिनुभएको छ । साथै रोग प्रभावित क्षेत्रमा पुगेर प्रत्यक्ष अनुगमन गर्न समेत उहाँले पशु सेवा विभाग मातहतका निकायलाई निर्देशन दिनुभएको छ ।

भ्याक्सिन खरिद प्रक्रिया अगाडि बढाई रोग नियन्त्रणको कामलाई अगाडि बढाउन मन्त्री भुसालले निर्देशन दिनुभएको हो । मन्त्रीसँगको छलफलमा विभागकी महानिर्देशक काफ्ले विभागबाट भ्याक्सिन खरिद प्रक्रिया अगाडि बढाएको जानकारी दिनुभएको थियो । अबका केही दिनमा प्रभावित स्थानमा भ्याक्सिन पुग्ने उहाँले विश्वास व्यक्त गर्नुभएको छ ।

‘सप्लायर्स मार्फत् आवश्यक भ्याक्सिङ खरिद प्रक्रिया अगाढि बढेको छ । तत्काल रोक नियन्त्रणको प्रयास थाल्छौं, काफ्ले मन्त्री भुसालसँग भन्नुभयो ।

बुधबारमात्र मन्त्री भुसालले लम्फी स्किन रोगबारे पशु सेवा विभागलाई प्रभावित स्थानमा भुर्चुअल बैठक गर्न र प्रभावित स्थानमा पुगेर रोग निदानको प्रयास थाल्न निर्देशन दिनुभएको थियो ।