नर्स अनुमा श्रेष्ठ मृत्यु प्रकरण : डा.सुजन ढकाल पक्राउ

काठमाडौं । काठमाडौँको वीर अस्पतालमा कार्यरत स्टाफ नर्स अनुमा श्रेष्ठको मृत्यु प्रकरणमा नेपाल प्रहरीले डा.सुजन ढकाललाई पक्राउ गरेको छ ।

गत आइतबार ढकालको बोहोराटारस्थित निवासमा पुगेर श्रेष्ठले आत्महत्या गरेकी थिइन् ।

श्रेष्ठले आत्महत्या गर्नुअघि लेखेको सुसाइड नोटमा ढकाल र उनको परिवारले पहिले विवाह गर्ने आश्वासन देखाएको तर अहिले आएर विवाह गर्न अस्वीकार गरेको उल्लेख गरेकी थिइन् ।

उनको सुसाइड नोटलाई आधार बनाएर उनका बाबुले ढकालविरुद्ध आत्महत्या दुरूत्साहनको मुद्दा दर्ता गरेका थिए ।

लामो समय प्रेम सम्बन्धमा रहे पनि विवाह गर्न अस्वीकार गरेको भन्दै ३४ वर्षीय श्रेष्ठले प्रेमी सुजन ढकालको बोहोराटारस्थित घरमा पुगेर आत्महत्या गरेकी थिइन् ।
।