पाल्पा बस दुर्घटना : एक महिलाको मृत्यु, गम्भीर घाइतेलाई बुटवल पठाइयो

काठमाडाैं। बुटवलबाट बाग्लुङको हटियातर्फ जाँदै गरेको बस आज बिहान पाल्पामा दुर्घटना भएको छ। उक्त बस दुर्घटना हुँदा एकजना महिलाको मृत्यु भएको छ ।

बुटवलबाट पाल्पातर्फ जाँदै गरेको बस तिनाउ गाउँपालिका ५ जोरधारामा सडकबाट करिब २ सय मिटर तल खसेको हो ।

घटनास्थलमा पुगेकी तिनाउँ गाउँपालिका वडा नम्बर ५ की वडाध्यक्ष इन्द्रकुमारी चिदीले हालसम्म एक महिला यात्रुको शव फेला परेको जानकारी दिइन् ।

‘एकजना महिलाको मृत्यु भएको छ । अधिकांश घाइतेहरूको अवस्था गम्भीर छ,’ उनले भनिन्, ‘घाइते सबैको उद्धार जारी छ । उद्धार गरिएकाहरूलाई लुम्बिनी मेडिकल कलेजमा पठाइएको छ ।’

अहिले घटनास्थलमा उद्धारको काम जारी रहेको छ ।