आजदेखि प्रधानमन्त्री प्रचण्डले पार्टीका नेता कार्यकर्तालाई भेट्ने

काठमाडौं । प्रधानमन्त्री एवम् माओवादी केन्द्रका अध्यक्ष पुष्पकमल दाहाल प्रचण्डले आजदेखि हरेक शुक्रबार पार्टीका नेता तथा कार्यकर्तालाई केन्द्रीय कार्यालय पेरिसडाँडामा भेट्ने भएका छन् । अध्यक्ष प्रचण्डले आफ्नो पार्टीका नेता कार्यकर्तासँग केन्द्रीय कार्यालय पेरिसडाँडामा भेटघाट गरिरहेको प्रधानमन्त्रीको प्रेस संयोजक सूर्य किरणले जानकारी दिए ।

माओवादी केन्द्रले २०८० साल वैशाख १ गतेदेखि प्रधानमन्त्रीसँगै माओवादीबाट मन्त्री बनेकाहरुलाई केन्द्रीय कार्यालय पेरिसडाँडामै भेट्ने व्यवस्था मिलाउने निर्णय यसअघि गरेको थियो । सोही अनुसार प्रधानमन्त्री प्रचण्ड बिहानै केन्द्रीय कार्यालय पुगेका हुन् ।

माओवादी मन्त्रीहरुसँग भने अपराह्न ४ बजेदेखि ६ बजेसम्म भेट्ने समय निर्धारण गरिएको बताइएको छ ।