मन्त्री यादव भन्छन्- भारतसँग ९८ प्रतिशत सिमा विवाद समाधान भैसक्यो, भारतसँग राम्रो सम्बन्ध राखेर जान्छौं

काठमाडौं। नेपाल समाजवादी पार्टीका अध्यक्ष एवम् महिला, बालबालिका तथा ज्येष्ठ नागरिकमन्त्री महिन्द्रराय यादवले प्रधानमन्त्री पुष्पकमल दाहाल सरकारले पूर्णता पाएपछि र सरकार बजेट निर्माणको प्रक्रियामा जुटिसकेकोले यी सबै काम सकिनेबित्तिकै भारत भ्रमणमा जाने बताएका छन् ।

आज नेपाली रेडियो नेटवर्कबाट प्रसारण भएको नेपाली बहस कार्यक्रममा पत्रकार ऋषि धमलासँग कुरा गर्दै उनले यस्तो बताएका हुन् । उनले प्रधानमन्त्री दाहालको यसपटकको भारत भ्रमणले नेपाल र भारत दुई देशबीच रहेका मुख्य विषयहरु समाधान हुने पनि दाबी गरे । उनले वर्तमान सरकार गठन भएपछि नेपाल र भारतबीचको सम्बन्ध झन मजबुद हुने विश्वास दिलाए ।

उनले नेपाल र भारतबीचको बीचमा सिमा समस्या कुटनीतिक र राजनीतिक पहलबाट समाधान हुने बताए । उनले भारतसँगको नेपालको सिमा समस्या ९८ प्रतिशतले हल भैसकेको दाबी गरे । उनले सिमा समस्या समाधानको लागि दुवै देशले समिति गठन गरेर काम गरेको सुनाए ।

कालापानी र लिम्पियाधुरामा रहेको समस्यापनि अब समाधान हुने उनको दाबी छ ।