विराटनगरको नर्सिङ क्याम्पसमा नेविसंघको तालाबन्दी

काठमाडौं । क्याम्पस प्रशासन र निर्वाचन समितिले मिलेमतो गरेको आरोप लगाउँदै नेविसंघले विराटनगरस्थित नर्सिङ क्याम्पसमा तालाबन्दी गरेको छ । क्याम्पस प्रशासनले व्यक्तिगत रुपमा विद्यार्थीहरुलाई कुनै पनि संगठनको पक्षमा नखुल्न दबाब दिएको भन्दै नेविसंघले तालाबन्दी गरेको हो ।

नेविसंघका मोरङ अध्यक्ष सरोज पोखरेलले नेपाल विद्यार्थी संघ पक्षधर विद्यार्थीलाई क्याम्पस प्रमुखसहितका कर्मचारीले मानसिक तनाव दिने गरेको आरोप लगाए ।

१८५ जना विद्यार्थी रहेको उक्त क्याम्पसको स्ववियु निर्वाचनका लागि अनेरास्ववियु र नेविसंघले उम्मेदवारी दिएका थिए । नेविसंघले तालाबन्दी गरेसँगै चैत ५ गते हुने स्ववियु निर्वाचन प्रभावित हुने भएको छ ।