नेपाली क्रिकेट टीमका प्रतिखेलाडीलाई तीन लाख दिने सरकारको घोषणा

काठमाडौं । सरकारले राष्ट्रिय टीमका प्रतिखेलाडीलाई जनही तीन लाख पुरस्कार दिने घोषणा गरेको छ ।

प्रधानमन्त्री पुष्पकमल दाहाल प्रचण्डले विश्वकप क्रिकेट प्रतियोगिताको क्वालिफायरमा प्रवेश गर्न सफल राष्ट्रिय टीमका प्रतिखेलाडीलाई जनही तीन लाख दिने बताएका छन् । उनले सामाजिक सञ्जालमार्फत सो जानकारी दिएका हुन् ।

‘विश्वकप क्रिकेट प्रतियोगिताको क्वालिफायरमा प्रवेश गरी नेपालको स्वाभिमान र पहिचान उच्च बनाएकोमा नेपाली क्रिकेट टोलीलाई हार्दिक बधाई ज्ञापन गर्दै प्रतिखेलाडी रू. ३ लाख पुरस्कारको घोषणा गर्दछु’, प्रधानमन्त्रीले फेसबुकमा लेखेका छन् ।

बिहीबार त्रिवि खेल मैदानमा प्रधानमन्त्री प्रचण्ड आफै उपस्थित भएर खेलाडीलाई हौसला दिएका थिए ।