बागमतीमा आठ दलीय गठबन्धनका सांसदलाई आज अभिमुखीकरण

काठमाडौं । आठ दलीय गठबन्धनले आज बागमती प्रदेशसभाका सांसदहरूका लागि अभिमुखीकरण कार्यक्रम गर्ने भएको छ । राष्ट्रपतिमा रामचन्द्र पौडेललाई विजयी गराउन गठबन्धनले संघदेखि प्रदेशसम्ममा सांसदमाझ अभिमुखीकरण कार्यक्रम गरिरहेको हो ।

फागुन २५ गते हुने राष्ट्रपतिको निर्वाचनमा पूर्वसभामुख पौडेललाई विजयी गराउन नेपाली कांग्रेसका उपसभापति पूर्णबहादुर खड्काको संयोजकत्वमा अन्य राजनीतिक दलका प्रतिनिधिहरु रहनेगरी ‘राष्ट्रपति निर्वाचन अभियान परिचालन र संयोजन संयन्त्र’ गठन गरिएको छ ।

संयन्त्रको निर्णयबमोजिम बागमती प्रदेशका आठवटै राजनैतिक दलका प्रदेशसभा सांसदहरूका लागि आज दिउँसो १ बजे आनन्द इभेन्ट नयाँ बानेश्वरमा अभिमुखीकरण कार्यक्रम गर्न लागिएको हो ।