उद्योग राज्यमन्त्रीको पीएसओमा कोरोना, सचिवालयको पूरै टोली होम क्‍वारेन्टिनमा

काठमाडौँ । उद्योग, वाणिज्य तथा आपूर्ति राज्यमन्त्री मोतीलाल दुगड होम क्‍वारेन्टिनमा बसेका छन् ।

उनका निजी सुरक्षा अधिकारी (पीएसओ) मा कोरोना संक्रमण देखिएसँगै राज्यमन्त्री दुगडसँगै सचिवालयका आधा दर्जन कर्मचारी सबै होम क्‍वारेन्टिनमा बसेको छ ।

होम क्‍वारेन्टिनमा बसेका सबैको पाँचदिन पछि मात्र कोरोना परीक्षण हुने प्रोटोकल छ । सोही अनुसार सचिवालयका कर्मचारीको पाँच दिनपछि मात्रै कोरोना परीक्षण हुनेछ । 

यसअघि संस्कृति, पर्यटन तथा नागरिक उड्डयन मन्त्रालयकी एक महिला कर्मचारीमा कोरोना पुष्टि भैसकेको छ ।

यस्तै सांसद देखि लिएर उच्च तहका कर्मचारीमा समेत कोरोना संक्रमण देखिइसकेको छ ।