नागरिकता प्रकरणमा विवादमा परेपछि डीआईजी अशोक सिंहले राजीनामा दिए

काठमाडौं । नेपाल प्रहरीका डीआईजी अशोक सिंहले पदबाट राजीनामा दिएका छन् ।

नागरिकतामा उमेर नाघिसकेपछि प्रहरीमा भर्ना भएको र ५५ बर्ष पुगिसकेपछि पनि एसएसपीबाट डीआईजीमा बढुवा भएको खुलेपछि उनले राजीनामा दिएका छन् । प्रहरी प्रधान कार्यालय स्रोतका अनुसार बुधबार दिउँसो डीआईजी सिंहले प्रहरी प्रधान कार्यालयमा पुगेर प्रहरी महानिरीक्षकसमक्ष राजीनामा बुझाएका छन् । प्रहरी प्रधान कार्यालयले उनको राजीनामा स्वीकृतिका लागि गृहमन्त्रालयमा फाइल पठाइसकेको छ ।

हाल सुदूरपश्चिम प्रदेशका प्रहरी प्रमुख रहेका सिंहका बिरुद्ध हुँदै नभएको योग्यता देखाएर जागिर खाएको, नागरिकतामा उमेर सच्याएकाले छानबिन गरी हदैसम्मको कारबाहीको माग गर्दै अख्तियार दुरुपयोग अनुसन्धान आयोगमा उजुरी परेको थियो ।