देउवालाई राष्ट्रपतिको उम्मेदवार बन्न महामन्त्री शर्माको सुझाव

काठमाडौं । नेपाली कांग्रेसका महामन्त्री विश्वप्रकाश शर्माले पार्टी सभापति शेरबहादुर देउवालाई राष्ट्रपतिको उम्मेदवार बन्न सुझाव दिएका छन् । आज सुर्खेतमा जिल्लास्तरीय भेलालाई सम्बोधन गर्दै उनले देउवालाई राष्ट्रपतिको उम्मेदवार बन्न आग्रह गरेका हुन् ।

राष्ट्रपति भए देउवाको सम्मानजनक बहिर्गमन हुने बताउँदै महामन्त्री शर्माले भने, ‘शेरबहादुर देउवालाई नै राष्ट्रपति बनाउने हो कि भन्ने हामी सोच्दैछौं ।’

राष्ट्रपतिको उम्मेदवारमा वरिष्ठ नेता रामचन्द्र पौडेलको नाम पहिलो नम्बरमा रहेको भन्दै उनले पूर्व महामन्त्री कृष्णप्रसाद सिटौला, जनजाति समुदायबाट गोपालमान श्रेष्ठ र दलित समुदायबाट मानबहादुर विश्वकर्मा पनि रहेको उल्लेख गरे ।