नेकपा कार्यदलको बैठक धुम्बाराहीमा जारी

काठमाडौं । नेपाल कम्युनिष्ट पार्टी (नेकपा) का दुई अध्यक्षले गठन गरेको र सचिवालयले अनुमोदन गरेको कार्यदल अहिले छलफलमा व्यस्त छन् । 

गत शुक्रबार पार्टीका प्रधानमन्त्री तथा अध्यक्ष केपी शर्मा ओली र अध्यक्ष पुष्पकमल दाहाल प्रचण्डले ६ सदस्यीय कार्यदल गठन गर्न सहमति गरेका थिए । सो सहमतिलाई सोमबार बसेको सचिवालय बैठकले अनुमोदन गरेको थियो । 

कार्यदलको बैठक संयोगक तथा पार्टी महासचिव विष्णु पौडेल नेतृत्वमा पार्टी कार्यालय धुम्बाराहीमा जारी रहेको छ । 

कार्यदलमा पूर्वमाओवादी केन्द्रबाट जनार्दन शर्मा र पम्फा भुसाल सदस्य छन् । माधव नेपाल समूहबाट सुरेन्द्र पाण्डे र भीम रावल सदस्य छन् । ओली समूहबाट पौडेलका अतिरिक्त शङकर पोखरेल छन् ।

पहिलो चरणमा सदस्यहरूबाट आएको सुझावलाई एकत्रित गर्ने र तिनै सुझावका आधारमा प्रतिवेदन तयार पारिने कार्यदलमा रहेका एक सदस्यले जानकारी दिए ।

कार्यदलको यो तेस्रो दिनको छलफल हो । यसअघि शनिबार र आइतबार पौडेल निवास भैंसेपाटीमा कार्यदलको बैठक बसेको थियो ।