नेकपा कार्यदलको गृहकार्य जारी, सोमबार सचिवालय बैठक बस्ने

काठमाडौं । नेपाल कम्युनिष्ट पार्टी (नेकपा) विवाद समाधानका लागि गठित कार्यदलको बैठक आज पनि जारी छ । शुक्रबार गठित कार्यदलको बैठक शनिबार पनि चलेको थियो । 

बैठक भैंसेपाटीमा जारी छ। कार्यदलका संयोजक विष्णु पौडेलको निवासमा शंकर पोखरेल, जनार्दन शर्मा, पम्फा भुसाल, सुरेन्द्र पाण्डे र भीम रावल सहितको बैठक जारी रहेको हो । 

यता कार्यदलको बैठक तीव्र गतिमा अघि बढेको छ भने नेकपा अध्यक्ष पुष्पकमल दाहाल प्रचण्ड समूहमा भने असन्तुष्टि चुलिएको छ । कार्यदल बनाउने प्रस्ताव दुई अध्यक्षले बनाएको भन्दै प्रचण्ड समूहमा असन्तुष्टि बढेको हो । 

पछिल्लो समय यो असन्तुष्टि बढ्दै गएपछि प्रचण्डको प्रस्तावमा सोमबारको लागि सचिवालय बैठक बोलाइएको छ । असन्तुष्ट नेताहरुले कार्यदललाई सचिवालयले कार्यदेश दिनुपर्ने भनेसँगै बैठक बोलाइएको बालुवाटार स्रोतले बताएको छ । 

सचिवालय बैठक साोमबार ९ बजेको लागि बोलाइएको छ ।