आगामी निर्वाचनको लागि अभिनेत्री रेखा थापाको नाम मोरङ ३ बाट सिफारिस

काठमाडौं । राप्रपाले आगामी  मंसिर ४ गते हुने निर्वाचनको लागि अभिनेत्री रेखा थापाको नाम सिफारिस गरेको छ । अभिनेत्री रेखा थापाको नाम मोरङ ३ बाट आसन्न प्रतिनिधिसभाको निर्वाचनका लागि सिफारिस भएको हो । नेपाली चलचित्रकी अभिनेत्री तथा राप्रपाकी केन्द्रीय सदस्य रेखा थापाले  मोरङ–३ बाट उम्मेदवारी दिने भएकी हुन् ।

राप्रपाले थापाको नाम स्थानीय पार्टी कमिटीले प्रत्यक्ष निर्वाचनका लागि सिफारिस गरेको छ । राप्रपा मोरङका अध्यक्ष माधव आचार्यले थापाको नाम स्थानीय पार्टी कमिटीले प्रत्यक्ष निर्वाचनका लागि सिफारिस गरेको जानकारी दिए । थापाको गृहनगर मोरङ–३ सुन्दरहरैंचा हो । थापासँगै सोही क्षेत्रबाट राप्रपाबाट अम्बिकाप्रसाद अधिकारीको पनि नाम सिफारिस भएको छ ।