बालेनले दिए येस्तो चेतावनी: अब कसैलाई कानुन मिच्न दिने छैनौँ

काठमाण्डौ। काठमाण्डौ महानगरपालिकाका मेयर बालेन्द्र शाहले (बालेन) अब कसैलाई कानुन मिच्न नदिने र अनधिकृत रुपमा बनाइएका संरचना महानगरले हटाउँने बताएका छन्। मेयर बलेनले केहि दिनदेखि अनधिकृत रुपमा बनाइएका संरचनाहरुमाथि डोजर चलाउदै आएका छन्। 

उनले सार्वजनिक वा सरकारी जग्गा अतिक्रमण गरी भएको अनधिकृत निर्माण कार्य तथा नक्सा स्वीकृति गर्दा बेसमेन्टलाई पार्किङकाे प्रयोजन देखाएकोमा पछि अन्य व्यापारिक प्रयोजनमा लगाएको काम गैरकानुनी रहेकाले यसलाई महानगरपालिकाले रोक्ने बताए। 

बालेनले सामाजिक सञ्जालमा स्टाटस लेख्दै, ३५ दिनको सूचना दिँदा पनि अटेर गरेपछि गैरकानुनी कार्यको रोकथाम तथा नियन्त्रण गर्न बल प्रयोग गर्नुपरेको बताएका छन्। 

त्यसै,अनधिकृत निर्माण, अतिक्रमण तथा भवनको प्रयोजन परिवर्तन सम्बन्धी गैरकानुनी कार्यको थप निरन्तरता रोक्न कारबाहीको चरणमा रहेको पनि बालेनको भनाइ छ ।