अपर तामाकोशीले शतप्रतिशत हकप्रद शेयर निष्काशन गर्दै

काठमाडौं । अपर तामाकोशी हाइड्रोपावरले हकप्रद सेयर जारी गर्ने भएको छ ।  कम्पनीले पूँजी बृद्धिको लागि हकप्रद सेयर जारी गर्ने प्रस्ताव साधारणसभामा लैजाने भएको छ।
हाइड्रोपावर कम्पनीले भदौ ३ गते नेपाल प्रज्ञा प्रतिष्ठानमा साधारणसभा बोलाएको छ। सोहि सभामा कम्पनीले १ बराबर १ शेयरको अनुपातमा हकप्रद शेयर निश्काशन गर्ने प्रस्ताव पेश गर्ने छ।

अपर तामाकोशी हाइड्रोपावरले शेयरधनीहरुलाई लाभांश भने वितरण नगर्ने भएको छ। सभामा सर्वसाधारण र संस्थापक शेयरधनीको तर्फबाट ५ जना सञ्चालकको निर्वाचन वा नियुक्त गर्ने प्रस्ताव समेत सभामा लैजादै छ।
 तामाकोशीले गत वर्षदेखि विजुली उत्पादन गर्न थालेको हो।