२३ अंकले बढ्यो नेप्से, ३ अर्बभन्दा बढिको कारोवार

काठमाडौं । आज सेयर बजार २३.८३ अंकले बढेर २१११.९९ बिन्दुमा पुगेको छ। आज तीन अर्ब १६ करोड रुपैयाँको कारोबार भएको छ ।

गत शुक्रबार मौद्रिक नीति आएपछि यो साता आइतबार ६१.०५ अंक र सोमबार ५४.४५ अंकले बढेको थियो। जसलाई मौद्रिक नीतिको प्रभावका रुपमा अर्थ्याइएको थियो। मंगलबार ४४.८० अंकले घटेर बजार २०८८.१६ बिन्दुमा झरेको थियो।

मौद्रिक नीतिपछि लगातार बढेको बजार मंगलबार भने घटेको थियो । सेयर अझै केही दिन बढ्ने संकेत दिएर बजार बन्द भएको छ।  

आज तीनवटा कम्पनीमा सकारात्मक सर्किट लागेको छ।

एक सय ५६ कम्पनीको सेयर मूल्य बढ्दा १८ कम्पनीको घटेको छ।

धेरै कारोबार हुने कम्पनीमा शिवम्, अरुण काबेली, नेस्डो, गुर्खाज फाइनान्स छन्।