बैठक रोक्ने निर्णय ओलीको एकलौटी : प्रचण्ड 

काठमाडौं । नेपाल कम्युनिष्ट पार्टी (नेकपा) अध्यक्ष पुष्पकमल दाहाल प्रचण्डले आज स्थायी समिति बैठक रोक्ने निर्णय प्रधानमन्त्रीसमेत रहेका पार्टीका अर्का अध्यक्ष केपी शर्मा ओलीको एकलौटी भएको प्रष्ट पारेका छन् ।

स्थगति भएको पार्टीको बैठक प्रचण्ड र पार्टीका वरिष्ठ नेता माधवकुमार नेपालबीचको सहमतिमा बैठक बोलाइएको थियो । बैठकमा बहुमत सदस्यको सहभागिता रहेको जनाइएको छ । 

आजको बैठकलाई अस्तिको बैठकको निरन्तरताको रुपमा नबुझ्‍न प्रचण्डले जानकारी गराएको एक स्थायी कमिटी सदस्यले बताए ।

बैठकअघि संस्कृति पर्यटन तथा नागरकि उडड्यनमन्त्री योग भट्टराई, कृषिमन्त्री घनश्याम भुसाल र शंकर पोखरेलबीच कृषि मन्त्रालयमा छलफल भएको थियो ।

उक्त छलफलमा पार्टी गम्भीर जटिलतामा गइरहेको र यस्तो अवस्थामा कसैले पनि अप्रिय निर्णय गर्नबाट रोक्ने सल्लाह दिने सहमति भएको थियो ।