परराष्ट्रमन्त्री ज्ञवालीको दावी – ‘भूलचूकमा पार्टी एकता भएको होइन’

काभ्रे । नेपाल कम्युनिष्ट पार्टी (नेकपा) नेता एवम् परराष्ट्रमन्त्री प्रदीप ज्ञावालीले पार्टी एकता भूलचुकमा नभएको दावी गरेका छन्। शनिबार बनेपामा आयोजना भएको कार्यक्रमलाई सम्बोधन गर्दै मन्त्री ज्ञवालीले यस्तो बताएका हुन्। 

पछिल्लो समय नेकपामा विवाद बढेको र पार्टी एकताकै औचित्यमा प्रश्न उठेको समयमा ज्ञवालीले यस्तो बताएका हुन् ।

यस्तै उनले सिङ्गो देश एकताबद्ध भएकाले मात्रै नक्सा जारी सम्भाव भएको पनि उनको धारणा थियो। उनले नक्साअनुसारको संविधान संशोधन गरिएको क्षण यात्राको शुरुआत मात्रै भएको बताए। ‘जमिनलाई वास्तविकरूपमा भोगचलनमा ल्याउन धेरै काम गर्न बाँकी छ’, उनले भने। 

‘मित्रराष्ट्र भारतसँग एकताबद्ध भएर वार्ताको टेबुलबाट तथ्य, प्रमाणहरू सबै राखेर आफ्नो स्वामित्वलाई फर्काउनुपर्नेछ’, उनले भने।