बरहथवा मेयर र उपमेयरमा एमालेको अग्रता कायमै 

सर्लाही । सर्लाहीका २० पालिका मध्ये १९ पालिकाको नतिजा आइसकेको छ भने नतिजा आउन बाँकी बरहथवा नगरपालिकाको गणना चलिरहेको छ ।

वडा नम्बर १७ मा ३ जेठमा भएको पुनः मतदान भएका कारण परिणाम आउन ढिला भएको हो । गत ३ गते बेलुकीदेखि बरहथवा नगरपालिकाकै भवनमा मतगणना जारी छ ।अहिले वडा नम्बर ५ र १३ को गणना अन्तिम भइरहेको छ ।

हालसम्मको मतगणनाअनुसार बरहथवा नगरपालिकाको मेयरमा नेकपा एमालेकी उम्मेदवार कल्पना कुमारी कटवालको अग्रता कायमै छ ।

उनले ७ हजार ३ सय ८५ मत प्राप्त गर्दा  नेपाली कांग्रेसका विगुप्रसाद चौधरीलाई ३ हजार ८ सय ५४, नेकपा माओवादी केन्द्रका देवानन्द महतोलाई ४ हजार ३ सय ४४, जसपाका जय प्रकाश रायलाई  हजार १ सय ९ र लोसपाका प्रमोद कुमार रौनियारले १ हजार २ सय ९३ मत प्राप्त गरेका छन् ।

उपमेयरमा नेकपा एमालेका रामबाबु प्रसाद शाहलाई ६ हजार ३ सय ३३, नेपाली कांग्रेसकी गंगा दाहाललाई ४ हजार ३ सय ६३, नेकपा माओवादी केन्द्रकी सिता देवी माझीलाई ४ हजार २ सय ८२, जसपाका मिरा सिंह कोइरीलाई २ हजार ४ सय ४० मत र लोसपाकी प्रेम शिला सिंहलाई १ हजार ३ सय ७१ मत  प्राप्त भएको छ ।