काठमाडौं । न्युरोडका व्यापारी विकास अग्रवालको १० लाख लुट्पाट गर्ने दुई प्रहरी जेल चलान भएका छन् । गत १० असारमा अग्रवालको १० लाख लुटेको अभियोगमा पक्राउ परेका प्रहरी हवल्दार धिरेन विष्ट र जवान विक्रम चन्द पुर्पक्षका लागि जेल चलान भएका हुन् ।
उनीहरूलाई लुटपाट गर्न सहयोग गर्ने सम्मृद्ध सहकारी न्युरोडका कार्यरत क्यासियर रेणु श्रेष्ठ र सहकारीका पूर्वकर्मचारी सौरभ अधिकारीलाई पनि पुर्पक्षका लागि जेल चलान भएको महानगरीय प्रहरी परिसर काठमाडौंका डीएसपी राजकुमार केसीले जानकारी दिए ।
उनीहरूलाई जिल्ला अदालत काठमाडौं थुनामा पठाउने आदेश दिएको हो । हवल्दार विष्ट काठमाडौं प्रहरी परिसरका घुमुवा हुन् भने चन्द प्रहरी प्रधान कार्यालय २ नम्बर गणमा कार्यरत थिए ।
उनीहरुमाथि थप अनुसन्धान भैरहेको प्रहरीले जनाएको छ ।
