काठमाडौं । काठमाडौं लगायत अधिकांश भूभाग लगातार परिरहेको पानी रोकिएको छ । पानी रोकिएसँगैधेरै ठाउँमा अहिले घाम लागेको छ ।
बागमती प्रदेशका एक/दुई ठाउँमा पानी परिरहे पनि धेरै ठाउँमा रोकिएको मौसमविद् विभूति पोखरेलले जानकारी दिइन् । उनका अनुसार अहिले पानी पर्न रोकिए पनि बेलुका फेरि पर्ने सम्भावना छ ।
मनसुनी न्यून चापीय रेखा नेपाल नजिकै रहेकाले बिहान बेलुका ठूलो, मध्यम र सामान्य वर्षाको सम्भावना रहेको मौसमविद् पोखरेलले बताइन् ।
गत आइतबारदेखि परेको लगातारको झरीका कारण धेरै ठाउँमा बाढी, पहिरो र डुबान भएको छ । झरी रोकिएपछि भने केही राहत भएको छ । पानी पर्न रोकिएसँगै सडक मर्मतमा सजिलो भएको छ भने ओहोरदोहोर गर्ने यात्रुलाई पनि राहत मिलेको छ ।
यसपालीको मनसुनमा औसतभन्दा धेरै वर्षा हुने सम्भवना रहेकाले अझै सचेत रहनुपर्ने मौसमविद्को भनाइ छ ।
