काठमाडौंका ५ हजार जनामा नमूना परीक्षण, कसैमा देखिएन कोरोना

काठमाडौं । काठमाडौं उपत्यकाको समुदाय कोरोना भाइरस (कोभिड-१९) फेलिएको/नफैलिएको पत्ता लगाउनका लागि नमूना परीक्षण भएको छ । 

दुई चरणमा गरिएको परीक्षणले काठमाडौंको समुदायमा कोरोना नफैलिएको देखिएको बताइएको छ । 

यसअघि सुरुमा १२ सय जनाको परीक्षण गरिएकोमा टोखाका तीज जनामा संक्रमण देखिएको थियो ।  इपिडियोमोलोजी तथा रोग नियन्त्रण महाशाखाले जनाएअनुसार दोस्रो चरणमा ५ हजार जनाको नमूना संकलन गरी परीक्षण गर्दा एकजनामा पनि कोरोना नदेखिएको हो । 

दोस्रो चरणमा तरकारी पसल, दूध पसल, हजाम, बैंक, मालपोत, यातायात र पब्लिक क्न्ट्याक्ट बढी हुने ठाउँका व्यक्तिहरुको नमूना लिइएको बताइएको छ । यो परीक्षणमा संकमितको संख्या शून्य देखिएसँगै समुदायमा कोरोना फैलिएको आशंका कम भएको अनुमान गरिएको छ । 

अब यस्तै गरेर मुलुकका अन्य क्षेत्रमा समेत परीक्षणको दायरा बढाउने तयारी रहेको बुझिएको छ । यसको लागि बढी संक्रमण भएका जिल्लाहरूलाई प्राथमिकता दिएर परीक्षण बढाउने भनिएको छ। उपत्यकामा पनि परीक्षणलाई निरन्तरता दिइने बताइएको छ ।