माओवादी नेता–कार्यकर्तामाथि एमालेको आक्रमण, चिर्पट प्रहारबाट आधा दर्जन घाइते

सिन्धुपाल्चोक । सत्ता गठबन्धनसँग पराजीत हुने भएपछि एमाले गुण्डागर्दीमा उत्रिएको छ ।

सिन्धुपाल्चोकको इन्द्रावती गाउँपालिकामा चुनावी प्रचारका लागि घरदैलो अभियान संचालन गरिरहेका माओवादी केन्द्रका अध्यक्ष र उपाध्यक्षका उम्मेदवारसहितको टोलीमाथि शुक्रबार साँझ इन्द्रावती गाउँपालिकाको वडा नम्बर १० झोलुङ्गेमा पुगेपछि एमालेको उग्र जत्थाले आक्रमण गरेको थियो ।

एमालेले माओवादी नेता कार्यकर्तालाई चिर्पटै चिर्पटले प्रहार गरी मरणासन्न अवस्थामा पु्र्याएका छन् ।  
झडपमा दुबै पक्षको करिब आधा दर्जन कार्यकर्ता घाइते भएको नेकपा माओवादी इन्द्रावतीका वडासचिव रामचन्द्र दुलालले बताएका छन् ।

नेकपा एमालेका पूर्व जिल्ला अध्यक्ष हाल इन्द्रावती गाउँपालिकाका अध्यक्ष पदका उम्मेदवार झम्कनाथ नेपालकै वडामा यो झडप भएको हो । माओवादीको चुनाब प्रचार प्रसार र घरदैलो कार्यक्रममा र्याली सहित झोलुङ्गेमा पुगेको थियो । 

भोट माग्न गाउँ पस्ने क्रममा नेकपा एमालेका कार्यकर्ताहरुले अभद्र व्यबहार गरेको माओवादी केन्द्र इन्द्रावती गाउँपालिकाका सचिव दीपक न्यौपानेले सामाजिक संजालमा लेखेका छन् ।