काठमाडौं । सोमबार काठमाडौं उपत्यकामा कुल तीन जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले यसको जानकारी दिएका हुन् ।
यसरी भेटिएका संक्रमित मध्ये राष्ट्रिय जनस्वास्थ्य कार्यालयमा गरिएको परीक्षणमा काठमाडौका दुई जना र पाटन अस्पतालमा गरिएको परीक्षणमा ललितपुरका एक जनामा कोरोना देखिएको हो ।
काठमाडौं उपत्यकामा तीनसहित सोमबार देशभर १ सय ८६ जना काेराेना संक्रमित भेटिएका छन् । योसहित नेपालमा संक्रमितको संख्या १७ हजार ८ सय ४४ जना पुगेको छ।
नेपालमा पछिल्लाे २४ घण्टामा १ सय ७३ जना उपचारपछि डिस्चार्ज भएका छन्। यसरी डिस्चार्ज हुनेकाे कुल संख्या ११ हजार ८ सय ६८ पुगेकाे छ ।
देशका विभिन्न स्थानका २२ हजार २ सय २८ सय जना क्वारेन्टिनमा छन्। सोमबारसम्म नेपालमा कोरोनाको संक्रमणबाट मृत्यु हुनेको संख्या ४० पुगेको छ।
