विप्लव नेतृत्वको नेकपाबाट निष्कासित ओली र बास्तोला पक्षद्वारा नयाँ पार्टी घोषणाको तयारी

काठमाडाैं । नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टीबाट निष्काशन भएका नेताहरू हेमन्तप्रकाश ओली ‘सुर्दशन’ र धर्मेन्द्र बास्तोला नयाँ पार्टी घोषणा गर्ने भएका छन् ।

बुधबार  बिहान  कपिलवस्तुको शिवगढीमा बसेको विप्लव पक्षीय नेताहरुको सचिवालय बैठकले ओली र बास्तोलालाई  निष्काशन गर्ने निर्णयलगत्तै उनीहरुले छुट्टै पार्टी बनाएर अघि बढ्ने तयारी गरेका हुन् । 

स्रोतका अनुसार उनीहरुले छुट्टै पार्टी बनाएर आजै घोषणा गर्ने तयारी गरेका छन् ।

पार्टी केन्द्रीय समितिमा ओली र बास्तोला पक्ष बहुमतमा दिए । पार्टी विभाजन भएपछि कसको पक्षमा कति हुन्छन् भन्ने एकिन हुन सकेको छैन् । यद्यपि ओली र बास्तोला पक्षले पनि विप्लव सहित प्रवक्तालाई कारवाही गर्ने तयारी गरेका गरेको छ ।