स्थायी समिति स्थगित गरेको नेकपाले बोलायो सचिवालय बैठक

काठमाडौं । पटकपटक नेकपा स्थायी समिति बैठक स्थगित गर्दै आएको नेपाल कम्युनिष्ट पार्टी (नेकपा) ले सचिवालय बैठक बोलाएको छ। 

शुक्रबार प्रधानमन्त्री निवास बालुवाटारमा अध्यक्षद्वय केपी शर्मा ओली र पुष्पकमल दाहाल‘प्रचण्ड’ बीच भएको भेटमा शनिबार सचिवालय बैठक बस्ने सहमति भएको हो। शनिबार ३ बजेका लागि सचिवालय बैठक बोलाइएको नेकपा प्रवक्ता नारायणकाजी श्रेष्ठले जानकारी दिए ।

यसअघि आज बस्ने भनिएको स्थायी समिति बैठक दुई दिनकाका लागि स्थगित भएको छ। गत असार ६ गतेदेखि सचिवालय बैठक बसेको छैन।

पछिल्लो १५ दिनमा नौ पटक दुई अध्यक्षबीच छलफल भएपनि नेकपाको विवाद मिल्न सकेको छैन । प्रम ओली र प्रचण्ड दुबैपक्षले आफ्नो अडान नछोडेको कारण विवाद मिल्न नसकेको बताइन्छ ।