ओली–प्रचण्डबीचकाे छलफल सकियाे, कुराकानी सकारात्मक तर निष्कर्षविहीन

काठमाडौं । नेपाल कम्युनिष्ट पार्टी (नेकपा) अध्यक्ष एवं प्रधानमन्त्री केपी शर्मा ओली र अर्का अध्यक्ष पुष्पकमल दाहाल ‘प्रचण्ड’ बीचको छलफल सकिएको छ । 

प्रधानमन्त्री निवास बालुवाटारमा भएको कुराकानीमा दुई अध्यक्ष मात्र बसेका थिए । 

वार्ता सके लगत्तै प्रचण्ड बालुवाटारबाट बाहिरिएका छन् ।  आजकाे छलफल पनि सकारात्मक भएकाे र बिहीबार फेरि कुराकानी हुने बालुवाटार स्राेतले जनाएकाे छ । पार्टीभित्रको विवाद मिलाउने बहानामा दुई अध्यक्षबीच सम्वाद भएपनि ठाेस निष्कर्ष निस्कन सकेकाे छैन ।

पछिल्लाे तीन दिनदेखि ओली र प्रचण्डबीच एक्लाएक्लै छलफल भइरहेकाे छ । दुबै पक्षकाे अडानका कारण छलफलले निष्कर्ष निकाल्न नसकेकाे बुझिएकाे छ । तर मंगलबारबाट भने दुबै पक्षकाे लचकताका कारण भने वार्ताले प्रगति गरेकाे बालुवाटार स्राेतले जनाएकाे छ ।  स्थायी समिति बैठकमा प्रधानमन्त्री र पार्टी अध्यक्ष पद छाेड्न माग गरिएपनि प्रचण्ड-नेपाल पक्ष भने तत्कालकाे लागि ओलीले पार्टीकाे जिम्मेवारी त्याग्‍नुपर्नेमा केन्द्रित भएकाे खुमलटार स्राेतकाे दावी छ । पार्टी नै विभाजन आउने स्थिती भएपछि नेकपाका दाेस्राे तहका नेताहरु सक्रिए भइ दुई अध्यक्षलाई वार्ता बस्न र लचकता अपनाउन आग्रह गरेका थिए ।