देउवा–जसपा नेताबीच भेट, नागरिकता विधेयकमा समेत छलफल

काठमाडाैं । नेपाली कांग्रेसका सभापति शेरबहादुर देउवा र जनता समाजवादी पार्टीका नेताहरूबीच भेटघाट भएकाे छ ।

मंगलबार जसपाका अध्यक्षद्वय महन्थ ठाकुर, उपेन्द्र यादव, नेताहरू बाबुराम भट्टराई, राजेन्द्र महतोलगायत सभापति देउवालाई भेट्न बुढानिलकण्ठ पुगेका थिए ।

करिब एक घण्टा सभापति देउवासँग जसपा नेताहरूको कुराकानी भएको थियाे । जसपा नेताहरु नागरिकता विधेयककाे विषयमा छलफल गर्नका लागि देउवा निवास पुगेकाे बताइएकाे छ ।

प्रधानमन्त्री केपी शर्मा ओलीले नागरिकता विधेयक लगायतका विधेयकहरु प्रतिनिधि सभामा थाँती रहँदा नै संसदको अधिवेशन अन्त्य गरिदिएका थिए ।

यस्तै पछिल्लाे समय नेकपा फुटकाे संघारमा रहेकाे र सत्ता परिवर्तनकाे चर्चा समेत चलेकाे छ । यस्ताेमा कांग्रेससँग जसपा नेताकाे भेटलाई अर्थपूर्ण मानिएकाे छ ।