सकियाे प्रचण्ड–ओली सघन वार्ता, छलफल सकारात्मक भएकाे दावी

काठमाडाैं । नेपाल कम्युनिष्ट पार्टी (नेकपा) काे जारी विवाद समाधान गर्न भन्दै बसेकाे दुई अध्यक्षबीचकाे सघन वार्ता सकिएकाे छ । करिब २ घण्टा चलेकाे छलफल सकारात्मक रहेकाे स्राेतले दावी गरेकाे छ ।

यसअघि आइतबार भएकाे वार्ताले सहमति खाेज्‍ने विषयमा दुई अध्यक्ष तयार भएका थिए । साेही आधारमा आजकाे वार्ता सम्भव भएकाे बुझिएकाे छ । आइतबार भएकाे वार्तामा भने ओली पक्षका विष्णु पौडेल र शंकर पाेखरेल छलफलमा सहभागी थिए भने प्रचण्ड पक्षका वर्षमान पुन र जनार्दन शर्मा सहभागी थिए । 

पार्टीकाे विवाद बढ्दै गएपछि नेकपाका दाेस्राे तहका नेताहरु सक्रिए भइ शीर्ष नेतृत्वलाई दबाब दिएसँगै वार्ताबाटै सहमति खाेज्ने प्रयास भएकाे हाे ।

यस्तैगरी सहमतिकाे खाेज्‍ने भन्दै स्थायी समिति बैठक पनि थप दुई दिनका लागि स्थगित गरिएकाे छ ।